Брз и здрав ручек: Рецепт за тортиља со наут песто и сирење, готова за само пет минути
Во топлите пролетни денови сите бараме лесни и брзи оброци за кои не треба многу време и труд. Оваа тортиља со варен наут е одличен избор за вакви прилики. Ако користите веќе сварен наут од конзерва, подготовката ќе ви одземе само неколку минути, пишува „Пун куфер“.
Препорачано
-
1
-
2
-
3
Наутот, како одличен извор на растителни протеини, совршено се комбинира со моцарела сирење, а сето тоа се заокружува со зелен песто сос. Додадете свежи домати (или друг зеленчук по желба), завиткајте во тортиља и оброкот е готов.
За овој вкусен и заситен оброк ви се потребни само неколку состојки и помалку од пет минути.
Потребни состојки:
- 120 г наут од конзерва
- 100 г чери домати
- 50 г моцарела сирење
- 1–2 лажици зелен песто
- 2 тортиљи
Подготовка:
Исцедете го наутот од течноста и измијте го под млаз вода. Со вилушка изгмечете го во пире, па додадете го пестото и добро измешајте.
Смесата намачкајте ја врз тортиљите, додадете сечкано сирење и домати. Завиткајте ја тортиљата и послужете веднаш или чувајте во фрижидер.
Добар апетит!
