Британија заработува задолжувајќи се, за прв пат продаде обврзница со негативен принос
Со ова Обединетото Кралство им се придружи на Јапонија, Германија и некои други европски земји во продажбата на долг со принос под нула проценти, што според оценките на „Ројтерс“ укажува на можна длабока рецесија.
Велика Британија денеска за прв пат продаде државна обврзница со негативен принос, што пак значи дека владата реално заработува задолжувајќи се, бидејќи инвеститорите прифатија по доспевањето да им се исплати помала сума од онаа која и ја позајмиле на државата.
Државната канцеларија за управување со долгот соопшти дека на аукција продала државни обврзници во износ од 3,75 милијарди фунти по негативна стапка од -0,003 отсто, пренесува „Ројтерс“.
Рокот на доспевање е во јули 2023 година.
Сепак инвеститорите ќе добијат каматна стапка од 0,75 отсто, но обврзницата ја платиле поскапо од нејзината номинална вредност, па така повратот на пари ќе биде помал од износот кој го позајмиле доколку овој партнерски документ ќе се држи до рокот на доспевање.
Со ова Обединетото Кралство им се придружи на Јапонија, Германија и некои други европски земји во продажбата на долг со принос под нула проценти, што според оценките на „Ројтерс“ укажува на можна длабока рецесија поради корона кризата и понатамошните активности на централните банки во купувањето обврзници за да се ублажи нејзиното влијание.