Осумнаесет животни, птици и инсекти се избрани за да бидат прикажани на идните банкноти на Банката на Англија, а јавноста сега може да гласа за тоа кои видови ќе бидат прикажани на новите банкноти. Кандидатите, меѓу другите, вклучуваат жолтеникав був, голем клукајдрвец, белоопашест орел, додека категоријата цицачи вклучува див зајак, европски еж, сива фока, златна куна и црвена лисица.

Селекцијата вклучува и атлантски лосос, џиновска ајкула, жолта бумамара, ливадска жаба, големо царско вилинско коњче и еден вид пеперутка. Јавното гласање е отворено и трае еден месец, а граѓаните можат да изберат до шест фаворити од потесниот список.

Новите банкноти ќе содржат по едно суштество по апоен. Панел експерти, вклучувајќи научници и експерти за див свет, го составија потесниот список, а конечната одлука треба да ја донесе гувернерот на Банката на Англија, Ендру Бејли. Банката вели дека процесот има за цел да го освежи дизајнот на банкнотите, а воедно да ја зајакне заштитата од фалсификување, а новата серија сè уште ќе го прикажува и кралот.

Промената следува по одлуката за отстранување на историските личности од банкнотите, меѓу кои досега беа поранешниот британски премиер Винстон Черчил, авторката Џејн Остин, сликарот Вилијам Тарнер и математичарот Алан Тјуринг. Предлогот за замена на познатите личности со мотиви од диви животни предизвика политички реакции во Велика Британија, а некои лидери го нарекоа потегот контроверзен, пишува Политика.

Принцот Вилијам годишно заработува 23 милиони фунти