Американецот Брајан Волш беше прогласен за виновен за убиство од прв степен на неговата сопруга Ана, жена од Белград која исчезна ноќта помеѓу 31 декември и 1 јануари 2023 година, пишува whdh.com.

Одлуката беше донесена по дводневно заседавање на поротата и по осум дена изведување докази и сведочења.

Се очекува Волш да биде осуден на доживотен затвор без можност за условна слобода, што е задолжителна казна за убиство од прв степен во Масачусетс. Судијата го закажа изрекувањето на пресудата на Брајан Волш за среда, 17 декември.

За време на судењето, поротата сослуша неколку сведоци, меѓу кои и Вилијам Фастоу, човек со кого Ана имала емотивна врска, како и Џем Мутлу, кој ја поминал Новата година во друштво на брачната двојка Волш и се смета за еден од последните луѓе што ја виделе Ана жива.

Одбраната на Брајан Волш тврдеше дека ја пронашол Ана мртва во кревет, тврдејќи дека таа починала ненадејно и под необјаснети околности, и дека го отстранил нејзиното тело од страв да не биде обвинет за нејзината смрт.

Од друга страна, обвинителството истакна дека бракот бил во сериозна криза поради аферата на Ана и дека токму тоа бил мотивот Волш да ја убие својата сопруга.

На поротата не ѝ беше покажано дека Волш претходно се изјаснил за виновен за заведување на полицијата и неправилно отстранување на телото.

САД: Сопругот на Србинката Ана Волш е официјално обвинет за нејзиното убиство

Обвинетиот убиец Волш барал на „Гугл“ повеќе начини како да ја убие и распарчи сопругата од Србија