Борко после операцијата: Заедно да го вратиме Вардар на врвот на Европа!
Голманот на Вардар 1961, Борко Ристовски ја информираше јавноста дека вчера имаше хируршки зафат, операција на коленото.
Искусниот чувар на мрежата сака да биде добро подготвен за новите предизвици кои го очекуваат клубот во следната натпреварувачка сезона.
– Во текот на вчерашниот ден кој беше напорен врз мене, имав хируршки зафат, операција на коленото, која помина во најдобар ред благодарение на професионалноста и посветеноста на доктор Настов.
Се решив за ваков чекор на крајот од сезоната за да можам што поподготвен и што побезболно да ги почнам подготовките. Затоа што верувајте следната сезона нè очекуваме двојно повеќе натпревари, не очекуваат уште потешки моменти.
Сакам да упатам порака до армијата навивачи на Вардар, сите да бидеме заедно, затоа што следната година веќе нè очекуваат многу напори во кои што мораме сите да се сплотиме за да го вратиме Вардар таму каде што му е местото, а тоа е врвот на Европа. Имајте убав летен одмор, чувајте се и сите заедно за Вардар – се зборовите на Ристовски на фејсбук страницата на РК Вардар 1961.