Борачите на „Спартак“ со два златни медали на меѓународниот турнир „Победник“ во Белград
Македонскиот боречки клуб „Спартак“ настапи на меѓународниот турнир „Победник“ во Белград, Србија.
На овој турнир учествуваа 200 борачи од осум држави: Словачка, Босна и Херцеговина, Словенија, Хрватска, Грција и Македонија.
Од нашата земја учествуваа неколку клубови, а „Спартак“ настапи со двајца борачи.
Даријан Павлев во категоријата 62 килограми го освои првото место, а со златен медал се закити и Павел Темелков во категоријата 68 кг.
Борачите на Спартак беа предводени од екипата на „Балканец“, со тренерите Иван Анакиев и Ангел Стефанов.