Арон Фајперс, бившиот сопруг на Дениз Ричардс, поднесе нов барање за итна алиментација, во кое се осврна на финансиската состојба на глумицата.

Како што пренесува „Пејџ сикс“, Фајперс во документите тврди дека нема „стабилни приходи“ поради тоа што неговите „бизнис операции и инфраструктура“ биле прекинати до крајот на 2024 година.

Тој исто така тврди дека, и покрај неговото апсење поради семејно насилство и нерешената кривична постапка, има право на привремена алиментација за одржување на „финансиската праведност во текот на судскиот процес“. Фајперс посочил дека привремената поддршка се фокусира на потребата и способноста за плаќање, а не на конечните одлуки за вина или подела на имотот. Тој нагласил дека „судот е должен да обезбеди фер, привремени услови“, налагајќи на Дениз да му плати.

Фајперс во документите истакнал дека во тековниот правен процес против него се изјаснил како невин и нагласил дека „не е изречена кривична пресуда“.

Исто така, актерот тврди дека има право на „50 отсто компензација“ од заработката на Дениз на Онлифанс, за кој претходно тврдел дека заработува до 300.000 долари месечно.

„Таа буквално заработува пари секој месец од моето интелектуално сопствеништво во форма на фотографии што јас ги направив, а таа ги објави на нејзиниот Онлифанс профил“, наведува Аарон.

Фајперс исто така во документите нагласил дека очекува исплата за својата улога во реалното шоу „Дениз Ричарс и нејзините диви нешта“ (Denise Richards & Her Wild Things).

„Морам да добијам 50 отсто од приходите што продукцијата на ‘Смоук енд мирорс ентертејнмент’ ги добила за оваа емисија. Наместо тоа, не добив никаква добивка од продукцијата, ниту каков било извештај за тоа што компанијата примила за оваа емисија“, тврди тој.

Ричардсс во јануари побара од судијата да ги отфрли барањата на Фајперс за половина од нејзината заработка на ОнлиФанс. Како причина таа навела пропуштен рок за ажурирана изјава за приходи и расходи.

Фајперс претходно, во документите од октомври 2025, тврдел дека „ѝ помогнал на Дениз да го изгради нејзиниот ОнлиФанс профил“ и дека поседува „права на интелектуално сопствеништво на повеќето, ако не и сите, фотографии кои се користат на нејзиниот профил“. Понатаму, тврдел дека Ричардс му „го одзела пристапот до заедничките приходи“. Истовремено, нагласил дека останал „без пари“ и дека е „финансиски очаен“ поради зголемените трошоци, вклучувајќи и наемот за нивната недвижнина во Калабасас.

Да потсетиме, Ричардс и Фајперс беа истерани од нивниот дом во декември поради 84.000 долари неплатени трошоци за изнајмување. Дениз претходно се иселила од куќата.

Бившата двојка се венчала во 2018 година, а се раздели минатата година. Оттогаш се вклучени во жестока судска битка, а на актерката ѝ е одобрена забрана за пристап кон нејзиниот поранешен сопруг, кој претходно тврдел дека бил насилен кон неа. Фајперс сè уште се соочува со кривична постапка во тој случај.

Сопругот на Дениз Ричардс доби забрана за приближување до 2030 година: „Насилно ме давеше, ми ја удираше главата од држачот за пешкири во бањата…“