Без проблеми за Галата и Селтик, еве ги двојките во плеј-офот за Лига Европа
Се одиграа сите реванш мечеви од третото квалификациско коло на Лига Европа, воглавно без изненадувања, а на последната пречка на патот кон групите во ова натпреварување ќе има доста возбудливи пресметки.
Галатасарај откако на домашен терен одигра само 1:1, вечерва во Шкотска триумфираше со 2:4 против Ст. Џонстон. После првото полувреме беше 1:1, Диањ после половина час игра донесе предност за турскиот клуб, а автогол во 39 минута си постигна Чипе. За период од шест минути во вториот дел гостите реализираа преку Актуркоглу и Фегули, а домаќините во самиот финиш само ја ублажија елиминацијата О`Халоран (90+4`).
Селтик и по вторпат беше подобар од чешкиот Јаблонец, овојпат со 3:0 на домашен терен и со вкупно 7:2 патува во плеј-офот. Шкотите на возвратниот дуел триумфираа со двата погодоци на Тернбул и еден на Форест.
Лига Европа 2021/22
Двојки, плеј-оф
Рандерс – Галатасарај
Рапид Виена – Зорја Луханск
Селтик – АЗ Алкмаар
Фенербахче – ХЈК
Мура – Штурм Грац
Омонија – Ројал Антверп
Олимпијакос – Слован Братислава
Ренџерс – Алашкерт
Славија Прага – Легија Варшава
Црвена звезда – Клуж
Првите натпревари од плеј-офот за учество во групната фаза на ЛЕ ќе се играат на 19 август, а реванш средбите една недела подоцна. Победниците ќе се најдат во групите на Лига Европа, а поразените во групите на новоформираното УЕФА натпреварување, Конференциската лига.