Бертенс триумфира во Мадрид
Кики Бертенс ја освои титулата на Мастерсот во Мадрид со победата во финалето над Симона Халеп во два сета.
Холанѓанката во двата сета беше подобра од Халеп со 6:4, 6:4 и по еден и пол час игра, стана првата тенисерка на турнирот во Мадрид која дошла до титулата без да загуби сет. Ова беше нејзин деветти триумф во кариерата и од понеделник ќе биде четврта на ВТА ранг листата.
Халеп прва направи брејк на стартот од натпреварот но потоа започна серија во која ниту една тенисерка не го освои својот сервис. Клучен гем во првиот сет беше деветтиот, во кој Бертенс направи брејк и потоа со сигурен сервис дојде до првиот сет.
Холанѓанката во ист ритам продолжи и во вториот сет, веднаш направи брејк, но Халеш возврати три гема подоцна. Меѓутоа, Бертенс прави рибрејк со што дојде до 3:2 и предноста ја задржа до крајот.