Претседателот на Демократската партија во Албанија, Сали Бериша, предупреди дека протестот, закажан за 22 декември, ќе добие поинаква форма, вклучително и штрајк со глад, со цел уривање на владата на Еди Рама, објави „Вокс њуз“.

Бериша ги повика граѓаните, особено младите, да се приклучат на националниот протест што ќе се одржи в понеделник.

– Дваесет и вториот е закажан. Нашите протести ќе бидат диверзифицирани, со штрајкови, штрајкови со глад и во сите форми. Ако решиме да ја исполниме нашата мисија, ние сме решени. Нашите протести и сите ние мора јасно да знаеме дека, со овој режим, континуираниот протест е од суштинско значење. Тоа се формите што ги уриваат диктатурите – рече тој.

ВИДЕО | Хаос во албанскиот парламент, пратениците запалија факели

Најголемото можно вклучување на младите во оваа битка е клучно, додаде Бериша, зашто опозицијата и Албанците ќе победат.

– Еве каде сме. Тие немаат граници. Затоа единствената надеж е опозицијата. Мораме да се кренеме со сета сила, како последен обид за уривање на оваа наркодржава. Сѐ е докажано. Изборната фарса е докажана на најдефинитивен начин. Кражбите се докажани и тие се само врвот на ледениот брег. Докажани се и врските со дрогата. Еден престижен американски весник напиша дека повеќе разузнавачки служби му соопштиле на тој весник дека главен корисник од наркоклановите е Еди Рама. Затоа мора да ги организираме најрешителните форми на протест, отпор и бунт. Тие го уништија парламентот. Парламент веќе нема. Го видовте тоа – влегува, излегува, се затвора веднаш штом ќе започне. Слободни избори. Влада што ќе подготви слободни избори е услов над сите услови за нас. Датумот 22 декември е закажан – рече тој.

Енвер Хоџа, заклучи опозицискиот политичар, „кој немаше ниту сметка, да бидеме апсолутно јасни, целата негова корупција за 45 години диктатура не е ни половина од корупцијата на директорите во општината“.

Албанската министерка за Европа тврди дека ‘рбетот на процесот на пристапување во ЕУ е борбата против корупцијата