Како што стои на официјалниот веб сајт на Евролигата, нашиот млад играч е регистриран во составот на каталонскиот клуб за натпреварите во најсилното клупско натпреварување на Стариот континент.

Теодор Симиќ (роден 2004 год., висок 214 см.) кој игра на позицијата центар, станува збор за еден од нашите најперспективни кошаркари

Барса ја стартуваше новата сезона во Евролигата со домашен триумф над ЦСКА Москва (Русија) со 76:66, а вчера загуби на гостувањето кај рускиот Зенит (74:70).

Нашиот играч не беше во ростерот за тие два меча, па останува да се види кога и дали тренерот Шарунас Јасикевичиус ќе му даде шанса на Македонецот да настапи во другите евролигашки дуели.

Во текот на минатата сезона Симиќ играше за У18 тимот на Барселона во младинската Евролига во група со Гран Канарија (Шпанија), АСВЕЛ (Франција) и Тофаш (Турција).