Возачот на Дукати, Франческо Бањаја, ја освои пол-позицијата за спринтот и главната трка на Големата награда на Чешка во шампионатот Мото ГП.

Бањаја ја освои својата прва пол позиција оваа сезона на патеката во Брно со време од 1:52.303.

Возачот на Дукати, Марк Маркез, беше блиску до освојување на пол-позицијата, но падна од моторот во последниот обид, завршувајќи на второто место, со заостанување од 0,219 секунди.

Фабио Квартараро од Јамаха го освои третото место, со заостанување од 0,305 секунди зад победникот во квалификациите.

Спринт трката за Големата награда на Чешка ќе се одржи денеска од 15.00 часот, додека главната трка е утре од 14.00 часот. Марк Маркез е водечки во генералниот пласман со 344 поени, по него следуваат Алекс Маркез со 261 и Бањаја на третото место со 197.