Шпанскиот тенисер Карлос Алкараз имаше водство од 6:1, 6:1 и 1:0, а потоа поради повреда 18-годишниот Кинез Јунчен Шан го предаде мечот.

Противник на Алкараз во осминафиналето на грен слем турнирот „Австралија опен“ ќе биде Србинот Миомир Кецмановиќ кој во пет сета 6:4, 3:6, 2:6, 7:6 (7) и 6:0 го елиминираше Американецот Томи Пол.

Во следната фаза оди и Артур Казо, кој претходно го исфрли Холгер Руне од турнирот, овојпат триумфираше и над Холанѓанецот Талон Грикспор (6:3, 6:3, 6:1).

Казо ќе се обиде да биде првиот тенисер од Ник Кирјос на „Вимблдон 2014“ кој со специјална покана стигнал до четвртфинале на грен слем, а на тој пат ќе му стои Полјакот Хуберт Хуркач.

Во женска конкуренција Викторија Азаренка обезбеди осминафинале откако со 6:1 и 7:5 ја надигра Јелена Остапенко од Летонија.

Азаренка во следната фаза ќе игра против квалификантката Дајана Јастремска која го израмни својот најдобар учинок на грен слем турнирите со победата против Ема Наваро од САД (6:2, 2:6, 6:1).

Место во осминафиналето обезбеди и Ана Калинскаја која по два часа и 45 минути борба ја совлада Американката Слоун Стивенс со 6:7(8), 6:1, 6:4. Следна противничка ќе ѝ биде Италијанката Јасмин Паолини, која со 7:6(1), 6:4 ја елиминираше Ана Блинкова.

Во францускиот дуел Осеан Доден беше подобра од Клара Бирел со 6:2, 6:4 и во осминафиналето ќе игра против Жанг Чинвен од Кина кој победи против сонародничката Ванг Јефен со 6:4, 2:6, 7:6 (8).