„Аватар“ влезе во историјата: Филмот на Џејмс Камерон заработи најмногу, надминувајќи го и „Одмаздници“
Дојде до промена на првото место од листата… „Аватар“ стана филм кој досега најмногу заработил во историјата, па така тој на првото место го замени блокбастерот „Одмаздници: Крајот на игрите“ (Avengers: End Game). Имено, филмот на режисерот Џејмс Камерон (Аватар) повторно е прикажан во Кина, во петокот на 12 март.
Се проценува дека „Аватар“ сега има бруто заработка од 2.802 милијарди долари, што е за околу 5 милиони долари повеќе од „Одмаздници“.
„Горди сме што го остваривме овој голем подвиг, но Џим (Џејмс Камерон) и јас највеќе сме воодушевени што филмот се врати во кино-салите во текот на ова невидено време и сакаме да им се заблагодариме на нашите кинески фанови за поддршката. Вредно работиме на следните филмови за „Аватар“ и се радуваме што ќе го споделиме продолжението на оваа епска приказна во годините кои доаѓаат“, изјави продуцентот Џон Ландау.
Режисерите на филмот „Одмаздници: Крај на игрите“, Џо и Ентони Русо и честитаа на екипата на „Аватар“ за успехот.
„Ви ја враќаме ракавицата назад“, напишаа тие на Инстаграм.
View this post on Instagram
Како што е веќе познато, на големо се работи на филмот „Аватар 2“, кој премиерно би требало да биде прикажан на 16 декември 2022 година.