Анчелоти не е повеќе тренер на Елмас и Наполи
Фудбалерите на Наполи со 4:0 славеа против Генк и го обезбедија пласманот во осминафиналето во Лигата на шампионите, но Карло Анчелоти и покрај успехот после мечот доби отказ.
– Наполи одлучи да го смени Карло Анчелоти од местото тренер на првиот состав. Пријателството и добриот однос меѓу претседателот Аурелио Де Лаурентис и Карло Анчелоти остануваат непроменети после овој потег – напиша Наполи на „Твитер“.
La Societa Sportiva Calcio Napoli ha deciso di revocare l’incarico di responsabile tecnico della prima squadra al signor Carlo Ancelotti.
Rimangono intatti i rapporti di amicizia, stima e rispetto reciproco tra la società, il suo presidente Aurelio De Laurentiis e Carlo Ancelotti— Official SSC Napoli (@sscnapoli) December 10, 2019
Како што пренесува „Скај“, Анчелоти е во преговори со англискиот премиерлигаш Евертон.
Информациите велат дека на клупата на италијанскиот клуб во чии редови настапува македонскиот репрезентативец Елиф Елмас ќе седне поранешната ѕвезда на Милан, Џенаро Гатузо.
Во Наполи веќе подолго време владее хаотична ситуација која кулминираше оваа сезона откако после неколку порази првиот човек на клубот им нареди на фудбалерите дека мораат во карантин, но најголемиот дел од нив одбија, по што дел им беа скратени од платите. Анчелоти ги поддржа своите играчи и тука започна неговиот крај.