Ана Цветановска второпласирана на Мавровскиот меморијал на трката на пет километри индивидуално
Македонија и Маврово повторно беа домаќини на најстариот нордиски куп на Балканот, 59 Мавровски меморијал. Овој настан се одржува во сеќавање на загинатите градители на хидросистемот „Маврово“.
Натпревар, воедно и ФИС Балкан Куп, кој беше во организација на Скијачката федерација на Македонија, Меѓународната скијачката федерација (ФИС) и ски клубот Мирна Долина се организираше на 8 и 9 февруари.
Вкупно 70 натпреварувачи учествуваа од Македонија, Србија, Црна Гора, Босна и Херцеговина, Бугарија и Грција.
Кај жените во трката на пет километри првото место одржана на 8 февруари го освои Ања Илиќ од Србија со време од 15:50.5 мин. На втората позиција се најде Ана Цветановска од Македонија (15:57.0) која освои 76,21 ФИС точки, додека третопласирана беше Параскеви Ладопулу од Грција (17:28.8).
Еден ден подоцна во истата дисциплина Цветановска исто така беше второпласирана (14.50.4 мин.) со 86,67 ФИС точки, зад победничката Илиќ, а пред Сара Плакаловиќ од Босна и Херцеговина.