Постои голема веројатност корона вирусот да стане сезонско заболување, затоа неопходно е да се пронајде вакцина вели американскиот научник Ентони Фаучи кој ги води истражувањата за инфективни болести на националниот институт за здравје.

Тој истакнува дека вирусот сега почнува да се шири и на јужната хемисфера иако земјите влегуваат во зимски период. Доколку и таму се рашири голема епидемија мора да бидеме подготвени дека и кај нас повторно ќе се појави, вели Фаучи.

Тој апелира фармацевтските индустрии мора да работат на откривање вакцина која брзо ќе биде тестирана и подготвена во доволни количини за следната сезона.

Во моментов се прават клинички испитувања врз луѓе со две вакцини, едното се спроведува во САД а другото во Кина, со што таа би можела да излезе на пазарот за една година или година и половина.

Исто така се проучува и начинот на лечење – се тестираат некои нови лекови како и веќе постоечки кои претходно имале друга намена.

Во однос на сумамедот и неговото дејство вели дека во моментов користењето на овој лек дава во некои случаи позитивни резултати но тие не се официјално потврдени особено не со опсежно истражување.