Доколку автобуската услуга е откажана или доцни повеќе од 2 часа, патниците имаат право на храна, пијалок и сместување доколку времето е такво што е неопходно да се преноќи. Сместувањето е до две ноќевања, а максималната вредност на секое од нив е 80 евра, објаснува Габриела Руменова од онлајн платформата „Ние потрошувачите“ за бугарскиот медиум БНР.

Меѓудругото, доколку патувањето на редовна автобуска линија е откажано или одложено, транспортната компанија или операторот на автобуската станица мора да ги информираат патниците што е можно поскоро, но не подоцна од 30 минути по закажаното време на поаѓање.

Европската регулатива ги регулира правата на патниците и на меѓународните и на домашните линии.

– Во случај на значително доцнење, а исто така и во случај на дуплирање на седиштата, компанијата мора да им понуди на патниците избор помеѓу враќање на цената на билетот и, каде што е потребно, бесплатно враќање на првобитната точка на поаѓање во првата можност, или продолжување на патувањето и пренасочување до нивната крајна дестинација, но под споредливи услови и во првата можност, без дополнителни трошоци“, посочи таа.

Кога патникот користи инвалидска количка или друг помошен уред и истиот е оштетен или изгубен за време на патувањето, тој има право на надомест за покривање на загубите за замена или поправка.

Доколку превозникот не понуди враќање на цената на билетот или другите опции предвидени во регулативата кога патувањето е одложено или откажано, тогаш патникот може да поднесе жалба и да побара враќање на цената на билетот, како како и компензација, која изнесува 50 отсто од оваа цена – истакна Руменова.