Нутриционистите советуваат да ги јадете семките заедно со лубеницата, бидејќи се богати со протеини, витамин Б, магнезиум, монозаситени и полизаситени масти.

Природен лаксатив

Јадете ја лубеницата со семки или зачувајте ги и исушете ги семките за да сварите чај, кој помага кај упорниот запек. Семките од лубеница се користат и за лекување на цревните паразити.

Прочистување на бубрезите

Чајот од семки од лубеница е природен лек за прочистување на бубрезите и за разбивање на камењата во бубрезите. Семките од лубеница имаат диуретско дејство, го прочистуваат организмот, ги елиминираат наталожените токсини и ја подобруваат работата на бубрезите. Можат да ги елиминираат материите кои се таложат во бубрезите, кои формираат камен или песок.

Кардиоваскуларно здравје

Семките од лубеница содржат антиоксиданти кои благотворно влијаат врз крвните садови, ги шират, така што се идеални за луѓето кои страдаат од артеросклероза, висок крвен притисок или ангина пекторис. Исто така, корисни се и за зајакнување на срцевиот мускул.

Нутритивни вредности

Овие семки се богати со ликопен, моќен антиоксидант кој исто така се наоѓа и во доматот. Освен тоа, содржат голема количина на магнезиум и цинк. Се препорачуваат за луѓе со хроничен замор.

Семките од лубеница се добри за простатата

Тие го зајакнуваат и срцето, но и мускулите. Семките од лубеница во форма на чај или сурови, се препорачуваат и за подобрување на помнењето и концентрацијата, па дури и за сјајна и убава кожа. Чајот од семки од лубеница им се препорачува и на дијабетичарите како ефикасно средство за третирање дијабетес тип 2.