ЗОИ Пекинг: Шведските бијатлонки „златни“ во штафетата

Женската штафета на Шведска го освои златниот медал во Пекинг/ фото: EPA-EFE/FILIP SINGER

Женската бијатлонска репрезентација на Шведска го освои златниот медал на штафетната трка на 4х6 километри. Штафетата во состав Лин Персон, Мона Брорсон, Хана Оерберг и Елвира Оерберг беа најдобри на штафетната трка и триумфираа во време од 1:11.03.9 час.

Тие имаа шест промашувања во стрелање, но не добија казна бидејќи „се поправија“ со дополнителните куршуми.

Второто место и сребрениот медал и припадна на Русија за која настапија Ирина Казекевич, Кристина Резцова, Светлана Миронова и Ултана Нигматулина. Русинките имаа седум промашувања и еден казнен круг и на крајот заостанаа 12 секунди зад Швеѓанките.

Бронзениот медал го освоија Германките, Ванеса Војт, Ванеса Хајнц, франсиска Пројс и Дениз Херман со заостаток од 37.4 секунди.

Американецот Александар Хол е олимписки шампион во акробатско скијање во дисциплината слоупстајл. Тој за својот прв скок доби оценка 90.01 што беше доволно за златен медал. Среброто го освои неговиот сонародник Николас Гепер, а бронзата замина на градите на Јаспер Тјандер од Шведска.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот