Златен медал за борачот Могамедгаџи Нуров на меѓународниот турнир „Али Алиев“
Прво место на меѓународниот турнир „Али Алиев“ во категоријата 97 кг. освои македонскиот борач Могамедгаџи Нуров.
Нашиот репрезентативец со четири победи влезе во финалето на силниот турнир во Касписјк, Дагестан-Русија.
Во финалната борба Нуров се бореше против Г. Тажудинов од Русија, победникот на Хасајуртовскиот турнир, кој во последните секунди го победи европскиот и светскиот првак Балтукаев од Чеченија, Русија.
Во финалето Нуров покажа одлична борба и убедлива победа со резултат 6:1 против Тажудинов.
Уште еден успех е запишан за македонското борење, на „Президент Купот“ во Белград, Србија, Бојана Лазаревска го освои третото место.