„Железниот“ Мајк Тајсон најави спектакл против Ленокс Луис!
Мајк Тајсон не успеа да договори ревијален меч со Ивандер Холифилд. Поточно, организаторите не можеа да му платат повеќе од 25 милиони долари, па го најдоа Кевин МекБрајд за ривал на Холифилд, со кого ќе ги вкрсти ракавиците на 5 јуни.
Но, ваквиот потег не го обесхрабри „Железниот Мајк“ да се врати од пензија, по ревијалната борба со Рој Џонс Јуниор, веќе договори меч против уште еден великан, Ленокс Луис.
– Ќе се борам со Ленокс во септември – потврди Тајсон за американскиот канал „ТМЗ“.
Двајцата боксерски пензионери се сретнаа еднаш за време на нивната активна кариера. Во јуни 2002 година, Британецот го нокаутира Американецот во осмата рунда и со тоа ги одбрани титулите во тешка категорија во верзиите ВБЦ, ИБФ и ИБО.
Mike Tyson says he’s fighting Lennox Lewis in September (@MikeHeck_JR) https://t.co/Vs2MqQhO57 pic.twitter.com/y4rFkb94pj
— MMAFighting.com (@MMAFighting) April 28, 2021
Уште во февруари, Тајсон (50-6) започна да зборува за можна борба со Луис (41-2-1), на што веднаш се согласи, но под услов „јавноста навистина да го сака тоа“.
Љубителите на боксот, особено малку постарите, рекоа дека би сакале повторно да го видат човекот кој ги победи легендите Виталиј Кличко, Ивандер Холифилд, Шенон Бригс, Реј Мерсер, Френк Бруно и, се разбира, Мајк Тајсон.
Сите се желни за судир на (поранешните) титани, станува само да се одреди датумот и да се подготват двајцата.