Регионалната ѕвезда Здравко Чолиќ со децении важи за еден од најбараните пејачи од овие простори, ако не и пошироко, а хонорарите за неговите настапи се огромни, што е разбирливо.

Откако неодамна беше специјален гостин на свадбата на наследникот на познат бизнисмен во Белград, откриено е какви барања имал за да се појави на прославата.

– Чола може да бира каде ќе настапува. Тој не практикува да пее на приватни забави, но овојпат направи исклучок – рекол извор за српските медиуми.

– Имаше одредени услови, кои младенците и нивните семејства ги исполнија без збор, па сѐ беше договорено многу брзо. Меѓу другото, тој побара бината да се подигне од подот за гостите да не му се приближуваат премногу додека пее, да нема нарачки на песни и фотографирање со гостите… – додаде соговорникот.

– За 45 минути побарал 45.000 евра и веднаш било прифатено, бидејќи младенците ја обожаваат неговата музика. Првиот танц се одигра заедно со песната „Тебе чувам за крај“. Тој испеа некои од своите најголеми хитови, а сите беа воодушевени кога ја изведе песната „Ти си ми у крви“. Веднаш по настапот, придружуван од обезбедувањето на ресторанот, тој го напушти локалот – додал изворот за српски „Курир“.