Стефанија Несторовска, која стои зад инстаграм-профилот snestorovskaa, денеска ни приготви лесен, вкусен и здрав оброк – туна крем-салата.

Состојки:

– 1 туна во маслиново масло
– 125 грама интегрални макарони, сварени
– половина главица кромид, сечкано на ситно
– 1+1/2 канче грчки јогурт (од 150 грама)
– 170 грама пченка (мала конзерва)
– сок од 1 лимон
– 1/2 лажичка оригано
– сол и бибер по желба

Подготовка:

Во голем, длабок сад се додаваат претходно сварените тестенини и сите други состојки. Добро се промешува. Проверете дали е зачинета по ваша желба и адаптирајте ако има потреба.

Послужете веднаш или чувајте во затворен, стаклен сад во ладилник до 4 дена.