Полицијата од Битола денеска го уапси 51-годишниот А.А. од битолското цело Кишава, откако по претрес во неговиот дом била пронајдена поголема количина оружје и муниција.

„При претресот е пронајдена една автоматска пушка „М70АВ2″ од југословенско производство, една рамка за пушката и 258 куршуми калибар 7.62х39мм. Исто така, пронајдени се и четири ловечки пушки, еден пиштол, 78 ловечки патрони калибар 12мм, 50 куршуми калибар 8х57мм и 72 куршуми калибар 9мм“, се вели во полициското соопштение.

Од МВР додаваат дека по целосно документирање на случајот, против лицето ќе боиде поднесена соодветна пријава.