Одговорноста за запирање на транзитот на руски гас низ Украина е целосно на Америка, марионетскиот режим на Киев и властите на ЕУ. Заради финансиска поддршка на американската економија ја жртвуваа благосостојбата на своите граѓани, изјави претставничката на руското Министерство за надворешни работи, Марија Захарова.

„Киев донесе одлука да го запре транзитот на гас од Русија иако Гаспром ги исполни сите договорни обврски“, рече Захарова.

Според неа, прекинот на испораките на конкурентна и еколошки чиста руска енергија не само што го ослабува економскиот потенцијал на Европа, туку на најнегативен начин влијае и на животниот стандард на европските граѓани.

„Геополитичката основа на одлуката на Киев е она што е видливо, а главната придобивка од прераспределбата на европскиот енергетски пазар се САД“, посочи таа.

Да потсетиме, компанијата „Гаспром“ остана без техничко-правната можност да испорача гас за транзит низ Украина, пренесува Спутник.

Поради истекот на договорот со компанијата „Нафтогас Украина“, рускиот гас нема да се испорачува од 08:00 часот по московско време на 1 јануари, соопшти претходно руската компанија.