Премиерот Зоран Заев денеска го даде своето мислење во пресрет на очекуваните нови мерки кои Комисијата за заразни болести ќе ги даде за намалување на бројот на заразени од ковид 19.

– Јас не сум за целосен лок даун. Сметам дека тоа ќе влијае на економијата. Гледам дека граѓаните ги почитуваат мерките, еве и сега тука сите носиме маски. Ако Комисијата има предлози кои навистина ќе го намалат бројот на заболени, ние ќе ги прифатиме, ама нема да брзаме со полициски час, рече Заев.

-Верувам дека ќе бидеме мудри, а и многу често учиме и споделуваме искуства од другите земји, истакна денеска премиерот Зоран Заев при обиколката на претоварна станица во Скопје, каде се одложуваат стари печки и други нееколошки грејни тела, прашан за следните мерки кои треба да се превземат во однос на зголемените бројки од заразени со коронавирусот.