„Задруга“ се укинува за десетина дена, сопственикот на Пинк го послуша Вучиќ
Претседателот на Србија, Александар Вучиќ вчера откри дека испратил барање до сопственикот на телевизија Пинк, Жељко Митровиќ, да ја разгледа можноста за укинување на реалните шоуа на таа телевизија во рок од неколку дена.
Како потсетување, едно од барањата на протестот „Србија против насилството“ беше укинување на програмите кои промовираат насилство и неморал, како што се реалните шоуа.
Митровиќ набрзо на својот твитер-профил потврди дека ќе го укине реалното шоу „Задруга“ за десетина дена.
„По препорака на претседателот на Република Србија, Александар Вучиќ, донесов одлука да ја укинам реалити програмата ‘Задруга’ во најкус можен рок, не подолго од десет дена. Верувам дека единството на Србија и проценката на претседателот е поважна од секој интерес на Пинк и мојот личен интерес!“, напиша Митровиќ на Твитер.
Na preporuku Predsednika Republike Srbije Aleksandra Vučića, doneo sam odluku da u najkraćem mogućem roku, ne dužem od desetak dana, ukinem rijaliti program “Zadruga”. Verujem da je jedinstvo Srbije i procena Predsednika Republike, važnija od svake vrste interesa Pinka i mog… pic.twitter.com/D0fDRx8yMz
— Željko Mitrović (@zeljkomitrovic) May 25, 2023
За оние кои не знаат, „Задруга“ е реално шоу кое се емитува на телевизија Пинк од 2017 година. Неретко е критикувано поради тоа што промовира насилство, неморал, алкохолизам и други пороци, а во неа учествувале и осудени криминалци.
ВИДЕО: „Задруга“ оди во историјата, најави Жељко Митровиќ по реакциите во српската јавност