„Црвено-црните“ утре (20.45 часот) ќе се обидат на гостувањето против Кјелце да забележат добар резултат и покажат дека и тие се во борба за една од позициите кои водат во наредната фаза од Лигата на шампионите.

Вардар 1961 во претходното коло загуби во Скопје од полската екипа (29:33), составот на тренерот Стевче Алушовски ги анализираше грешките од првиот меч и ќе се обиде овојпат да се покаже во многу подобро светло.

На такво нешто се надева и десниот српски бек на актуелниот европски шампион, Марко Вујин:

Георгиевски за Кјелце: Одбраната им е послаба, но имаат феноменален напад!

– Кјелце е еден силен противник, тоа го видовме на домашен терен на претходниот натпревар. Играњето без публика и играњето на домашен терен и не носи некоја голема улога за домашната екипа. Одработивме неколку тренинзи, направивме анализа и ги видовме грешките од првиот меч. Се надевам дека тоа ќе го поправиме.

Станува збор зе една врвна сериозна екипа, но и ние сме исто така. Одиме на позитивен резултат, желбата е да победиме, па ќе видиме на крајот што ќе се случи – вели Вујин.