Вработените во Државниот пазарен инспекторат кои ја потпишаа петицијата за поддршка на директорот Стојко Пауновски, велат дека нема да одат на штрајк, но дека очекуваат средба со премиерот Зоран Заев со цел да не се случи најавеното разрешување на Пауновски.

Стојко Пауновски: Разочаран сум што премиерот Заев не ме разбира, и јас сакав пилот да бидам кога бев млад, ама не станав

За сега тие не добија одговор по однос на барањето за прием во Владата, но со собраните потписи и преку писмен допис в понеделник ќе се обратат за да побараат средба со премиерот Заев бидејќи на законски начин се обраќаат до премиерот на државата.

Гошев: СДСМ треба да го одбрани Стојко Пауновски

Вработените во Пазарна добија поддршка и од Синдикалната организација УПОЗ и од Стопанските комори. Напоменуваат дека државните пазарни инспектори се постојано на терен и продолжуваат да постапуваат по протоколите и Законот за заштита на населението од заразни болести, бидејќи како што велат здравјето на граѓаните е пред сè.

Во меѓувреме, на социјалната мрежа „Фејсбук“ се појави и група креирана од граѓани, преку која му изразуваат поддршка на Пауновски.