Вработените во „Кромберг и Шуберт“ заминуваат на колективен одмор
Во претходните 3 месеци од фабриката биле отпиуштени 200 до 300 работници, поради намален обем на работа.
Речиси 6 илјади работници вработени во битолската фабрика за автомобилски делови „Кромберг и Шуберт“ заминуваат на колективен одмор. Компанијата донела одлука ваквата мерка да ја спроведе поради отежнатото тргување со клиентите од странство поради затворените граници и кризата со корона вирусот.
Ваквата информација ја објави Телма од каде велат добиле официјална потврда од најголемата странска инвестиција во ИЗ„ Жабени“ во Битола.
Во претходните 3 месеци од фабриката биле отпиуштени 200 до 300 работници, поради намален обем на работа, односно драстично намалување на продажбата на автомобили. Од „Кромебрг и Шуберт“ тврдат дека нема да има други отпуштања засега.
Оваа германска инвестиција беше отворена во 2013 година, а од тогаш до крајот на 2019 имаше над 6000 вработени, со што фабриката е најголемиот работодавач во Регионот.