Вчера попладнето на регионален пат во Кичевско се судриле автомобили чии возачи со повреди биле пренесени во болница. Таму, лекарите утврдиле дека едниот од возачите, кој има тешки повреди, возел со големо количество алкохол во крвта, соопшти МВР.

„На 18.03.2026 во 17:25 часот во ОВР Кичево е пријавено дека на регионалниот пат Кичево-Осломеј се случила сообраќајна несреќа помеѓу патничко возило „ауди“ со кичевски регистарски ознаки, управувано од Ф.Ф.(29) од Кичево и патничко возило „пежо“ со кичевски регистарски ознаки, управувано од А.Џ.(55) од с.Црвевци, кичевско. По незгодата, двајцата возачи се пренесени во болницата во Кичево, каде што кај А.Џ. се констатирани тешки телесни повреди, додека кај Ф.Ф. се констатирани телесни повреди. При преземање мерки и извршено алкотестирање утврдено е дека А.Џ. го управувал возилото под дејство на алкохол, односно измерени му се 1,71 промили алкохол во крвта. По наредба на јавен обвинител, тој е лишен од слобода, а возилото му е одземено. По целосно документирање на случајот, против него ќе следува соодветна пријава“, велат од полицијата.

Млад скопјанец починал на гости кај другар