Денеска од 20.00 часот на Националната арена „Тодор Проески“ – Скопје екипата на Шкендија ќе го игра првиот натпревар од првото квалификациско коло во Лигата на конференции против Арарат Ереван од Ерменија.

Тетовските „црвено-црни“ се подготвени за новиот европски предизвик, во составот на тренерот Артим Шаќири, од повредата здобиена на подготовките во Словенија, во составот се враќа Башким Велиу, но не е подготвен за вечерашниот меч.

Дефанзивецот на Шкендија и воедно репрезентативец на Македонија, Егзон Бејтулаи верува во пласман во следната квалификациска рунда.

– Како екипа сме подготвени со успех да ја поминеме оваа пречка. Ерменците имаат добар тим, вели, ние ги анализиравме, мислам дека квалитетот е наша страна и со максимална ангажираност од сите играчи на теренот, можеме да излеземе како победници во овој двомеч – вели Бејтулаи.

Главен судија на натпреварот ќе биде Лукас Фендрих од Швајцарија.

Шкендија по вторпат настапува во ова натпреварување, минатата сезона во второто квалификациско коло претрпе два порази од летонската Рига (0:1, 0:2).

Досегашните најголеми успеси во својата клупска историја Шкендија ги имаше од 2016 до 2018 кога три години по ред играше плеј-оф за влез во групите на Лига Европа.