Полицијата од Прилеп вчера го уапсила 40-годишниот П.В., откако по претрес во неговиот дом биле пронајдени куршуми за воздушен пиштол, боева муниција, рамки од оружје, пиротехника и останати предмети.

-Врз основа на судска наредба од Основен суд Прилеп, извршен е претрес во домот и помошни простории во Прилеп, сопственост на П.В., при што пронајдени и одземени се 13 боеви куршуми различен калибар, рамка за пиштол, помошна рамка за куршуми од пушка, 167 пиротехнички средства, 21 парче муниција за гасен пиштол, сигнален куршум, регулатор за гасови за сигнален пиштол, 12 испукани чаури, 64 различни монети и други предмети- се вели во полициското соопштение.

Оттаму додаваат дека по документирање на настанот, против П.В. ќе следува соодветна пријава.