Осум лица, од кои пет жени, се убиени од страна на вооружени мажи во град во централно Мексико кој е погоден од насилство, во државата Гуанахуато, објавија локалните власти во неделата.

Жртвите, кои не се идентификувани, се убиени во Кортасар ноќта меѓу саботата кон неделата, објави државното обвинителство. Сторителите не се идентификувани.

#MASACRE EN #GUANAJUATO
Comando de sicarios ejecutaron la madrugada de este domingo a ocho personas, cinco mujeres y tres hombres que se encontraban en calles de la comunidad Alameda de Vista Hermosa, en el municipio de #Cortazar.
Los sujetos armados dispararon sin piedad y… pic.twitter.com/zUFeAQtvTT

— Corresponsales MX (@CorresponsalsMX) February 24, 2025

Државата Гуанахуато е богат индустриски центар дом на популарни туристички дестинации, но се смета и за најнасилниот дел во Мексико.

Во истата општина Кортасар, во 2023 година, вооружени напаѓачи упаднаа во аквариум и убија седум луѓе, меѓу кои и едно дете.

Исто така, во државата Гуанахуато, Националната гарда во неделата, уапси маж кој локалните медиуми го идентификуваа како водач на платени убијци на локалниот картел Санта Роса де Лима.

Насилството во оваа мексиканска држава е поврзано со војната што се води меѓу бандата Санта Роса де Лима и картелот Халиско Нова генерација, еден од најмоќните во земјата.

Според официјалните податоци, насилството поврзано со дрога ги однесе животите на повеќе од 480.000 луѓе во Мексико од 2006 година, кога владата распореди војска за да се бори против ова зло.