Претседателот на Самостојниот синдикат на Фиат Крајслер Аутомобилес, Саша Ѓорѓевиќ за РТС потврди дека дел од новата опрема за производство на електрични автомобили пристигнала во фабриката во Крагуевац.

За почеток, треба да произведува автомобилски делови за фабриката на Стелантис во Словачка. Догодина треба да пристигне уште еден контингент опрема за да биде подготвен за производство на нов електричен автомобил во Крагуевац во текот на 2024 година.

„Стелантис груп“, чиј дел е „Фиат Крајслер Аутомобилес“, и Владата на Србија во април годинава постигнаа договор за финансирање на електричен автомобил што ќе се произведува во Крагуевац. Српската фабрика за автомобили во Крагуевац од крајот на 2024 година ќе произведува модел за замена за „Фиат панда“, развиен врз основа на новиот „Цитроен Ц3“ кој ќе биде целосно електричен.

„Фиат панда“ се произведува во фабрика во Италија, а неговата замена ќе се составува во фабрика во Србија. Исто така, се истакнува дека моделот ќе има само електрична верзија во Европа, а ќе се продава и во Јужна Америка, објави Политика р.с