Денеска во првото коло на грен слем турнирот Вимблдон во женска конкуренција, најдобрата тенисерка на светот со 2:0 во сетови 6:2 и 6:3 ја совлада Теодора Костовиќ од Србија во меч кој траеше 65 минути.

Сабаленка водеше со 4:0 на почетокот од првиот сет против 184 тенисерка во светот. Србинката намали на 4:1, а Белорусинката успеа да го добие првиот сет со 6:2.

Вториот сет се играше гем по гем сè додека резултатот не беше 2:2. Сабаленка потоа освои три последователни гема и водеше со 5:2.

Костовиќ го намали водството на 5:3, но белоруската тенисерка успеа да направи брејк и да победи.

Сабаленка во второто коло ќе игра против Американката Мекарти Кеслер која со двапати со 6:0 запиша триумф против Украинката Олександра Олиникова.

Во следната фаза оди и Јапонката Наоми Осака која со 6:1 и 7:5 славеше против Французинката Елса Жакмо, и во второто коло ќе игра со победничката од мечот меѓу Анастасија Гасанова и Емилија Аранго.