Македонската актерка Весна Петрушевска напиша емотивна роденденска честитка за ќерка ѝ Мина, која денеска (11 ноември) го прославува својот 20. роденден.

Инаку, Мина денес живее и работи во Дубаи и ова ѝ прв роденден којшто го слави далеку од дома. Покрај емотивната порака, Петрушевска сподели компилациско видео со најубавите семејни фотографии од последните две децении.

„Мина имаше 9 месеци и 3,5 килограми. Буквално кукла на батерии, да ти е страв да ја гушнеш оти беше порцеланска кукла.

Поминавме заедно како за три животи, јас и таа.

Но, таа нејзина насмевка ги освојува сите. Кога летово си замина за Дубаи со Мони (третото дете) ми кажа:

’Конечно ќе се ослободам од сите што ме гледаа под око и што не ме разбираа. Само ти ќе ми фалиш од Македонија и баба… Тато ќе го видам скоро‘.

Денес полни 20 години, живее во Дубаи со Моника, оди на работа каде сите ја сакаат оти таа освојува на прва топка.

Ова е првиот роденден каде не сме заедно.

Ние родителите треба да сме лакот, а децата стрелата. Љубовта е несебична и многу повозвишенa од што можеме да претпоставиме.

Мина, Минка, Миниминима среќна 20-ка ќерка. Да те немаше пак ќе те пронајдев и пак ќе беше моја ќерка! Убаво да си поминете со Мони и колегите! Ова е твој ден и наздрави за сите нас!“, напиша Петрушевска.