ВИДЕО | Убиен пејачот на бендот „Енигма Нортењо“ во Мексико, ги опејувал наркобосовите
Популарен пејач, изведувач на наркокоридоси, оди за наркобосовите, е убиен на паркинг во Западно Мексико, соопшти денеска канцеларијата на државниот обвинител на Халиско за АФП.
Препорачано
Ернесто Барахас, пејач на бендот Enigma Norteño, кој има околу 4 милиони слушатели месечно на Spotify, беше убиен во вторникот од страна на вооружени лица кои возеле мотоцикл во градот Запопан.
🔴🚨 #Nacional| Ernesto Barajas, fundador y vocalista de Enigma Norteño, fue asesinado a balazos en Zapopan, Jalisco; la Fiscalía estatal investiga el ataque que también dejó un acompañante muerto y una joven herida. pic.twitter.com/edjDueOkNo
— La Jornada Tlaxcala (@JOrienteTlax) August 20, 2025
Друг маж е убиен во истиот напад, додека жена е повредена во ногата, соопшти полицијата.
Во мај, пет члена на бендот „Фугитиво“ беа убиени во државата Тамаулипас.
Репертоарот на бендот „Енигма Нортењо“ вклучува песна посветена на Немесио Осегуера, водачот на картелот „Нова генерација на Халиско“ (NGJ), една од најстрашните банди за трговија со дрога во Мексико.
#LoMásVisto 🚨IAsesinan a Ernesto Barajas, líder y fundador del grupo “Enigma Norteño”, tras violento ataque en Guadalajara, #Jalisco#PublimetroMX #México #Zapopan pic.twitter.com/Nf1U5tVJLu
— Publimetro México 🌐 (@PublimetroMX) August 20, 2025
Друга песна, насловена како „Los Chapitos“, се однесува на синовите на уште поозлогласениот наркобос, Хоакин „Ел Чапо“ Гузман, поранешен водач на картелот Синалоа кој отслужува доживотна казна затвор во Соединетите Американски Држави.
Различни мексикански банди им плаќаат на музичарите да компонираат и изведуваат песни што ги фалат. Уметниците потоа се наоѓаат вмешани во конфликти меѓу картелите.
Според мексиканските медиуми, Ернесто Барахас претходно добивал закани од картелот од Халиско.
Државите во Мексико објавија строги ограничувања за овој локален музички жанр кој цвета, дури и надвор од своите граници.
Мексиканскиот уметник Песо Плума, кој меша самба со рап и хип-хоп, се искачи на седмото место во светот по бројот на слушања на неговите песни во 2004 година, според Spotify.
Претседателката на земјата, Клаудија Шајнбаум, ја отфрли идејата за забрана на наркокоридосите. Наместо тоа, таа објави музички натпревар „за мир и против зависност“ за да се бори против влијанието на субкултурата на трговија со дрога врз младите.
ВИДЕО | Брутално убиство на петте членови на музичкиот бенд „Фугитиво“ во Мексико
