ВИДЕО | Уапсен „идиотот“ што штипна репортерка „во живо“ на ТВ
Шпанската полиција го уапси мажот што нападна репортерка додека се јавувала во живо за телевизијата „Медијасет Еспања“.
Иса Баладо известувала од улица во Мадрид за грабеж на банка кога минувач ненадејно се приближил и ја допрел за задникот, а потоа запрел и ја прашал за кој телевизиски канал работи.
Водителот во студиото Начо Абад итно го прекинал извештајот и ја прашал репотерката дали минувачот ја допрел, и кога таа потврдила, Абад инсистирал „да го прикаже идиотот пред камерите“. Тој застанал покрај неа, негирал дека ја допрел и ѝ ја избушавил косата пред да замине, а потоа повторно се вратил и ѝ рекол „да ја каже вистината“.
A Spanish TV reporter was groped live on air, with a man appearing to grab her bottom. The suspect was arrested minutes later, on suspicion of sexual assault 👇 pic.twitter.com/FxzmkKvcbi
— Al Jazeera English (@AJEnglish) September 13, 2023
Инцидентот предизвикал жестоки реакции и згрозување во јавноста, која во изминатиот месец беше потресена од скандалозниот бакнеж на претседателот на фудбалската асоцијација Луис Рубијалес и фудбалерката Хени Хермосо.
„Медијасет Еспања“ соопшти дека новинарката претрпела „апсолутно неприфатлива ситуација“ и категорично ги осуди сите форми на агресија и злоставување.
По неколку часа полицијата објави дека го уапсила „идиотот“ и повторно го прикажа на телевизија, овој пат како го приведуваат со рацете во лисици зад грб.