Баерн Минхен е лидер Бундеслигата по рутинска победа во натпревар кој требаше да покаже дали Борусија Дортмунд може да се справи со гигантот во трката за титулата.

На „Алијанц Арена“ немаше дилема, новиот тренер на Баерн Томас Тухел имаше успешно деби и со триумф од 4:2 на „Алијанц“ арената се врати на првото место.

Уште по првото полувреме беа решени сите дилеми, автогол за предност на домаќините си постигна Кобел во 13 минута, а Милер за краток период успеа двапати да се запише во листата на стрелците за веќе 3:0 по само 23 минути игра.

Коман во 51 минута ја зголеми позитивата на 4:0, а „милионерите“ до крајот на средбата само успеаја да го ублажат својот пораз преку Џан во 72 минута од пенал и Мален во 90 минута.

Водечки е Баерн со 55 бодови на табелата, два повеќе од Борусија Дортмунд, а трет е Унион Берлин со 51. Во другите мечеви: Фрајбург – Херта Берлин 1:1, Лајпциг – Мајнц 0:3, Шалке – Баер Леверкузен 0:3, Унион Берлин – Штутгарт 3:0, Волфсбург – Аугсбург 2:2.