ВИДЕО | Тревор Ноа ги исмеа Доналд Трамп и Ники Минаж на доделувањето на Греми-наградите: „Таа сè уште е во Белата куќа“
Водителот на годинашното доделување на Греми-наградите, Тревор Ноа, го искористи својот воведен монолог за да се пошегува на сметка на американскиот претседател Доналд Трамп и раперката Ники Минаж, која во последните месеци јавно му дава поддршка на движењето МАГА, иако претходно остро го критикуваше.
Препорачано
Ноа, поранешен водител на популарното шоу „Дејли шоу“, за време на монологот се движеше низ салата и ги коментираше присутните ѕвезди. Во еден момент се осврна и на отсуството на Ники Минаж од церемонијата, посочувајќи дека годинава таа не беше ни номинирана.
„Таа сè уште е во Белата куќа со Доналд Трамп и расправа за многу важни прашања“, рече Ноа, по што започна да го имитира поранешниот претседател.
„Всушност, Ники, јас имам најголем задник! Јас го имам, сите го зборуваат тоа, Ники. Знам дека ти кажуваат, ама тоа сум јас! Вап, вап, вап! Погледни! Гледај, душо!“, изјави Ноа, имитирајќи го говорот и гестикулацијата на Трамп.
Публиката го поздрави коментарот со овации, а шегите на сметка на Трамп особено ги насмеаја Џон Леџенд, Криси Тајген, Џенифер Хадсон и Џеф Голдблум. Забелешката на Ноа се однесуваше и на нивниот неодамнешен јавен настап, каде Трамп и Минаж беа видени како се гушкаат и се држат за раце.
Кратко по церемонијата, се чини дека Ники Минаж реагирала на шегите на Ноа преку социјалната мрежа Икс, каде во необичен и контроверзен настап без докази го обвини комичарот дека „одбива јавно да се изјасни како хомосексуалец“.
Во вториот дел од монологот, Ноа се осврна и на Лорин Хил, која требаше да настапи на церемонијата, потсетувајќи дека последен пат се појавила на Греми уште во 1999 година. Тој податок го искористи за дополнителна критика кон администрацијата на Трамп.
„Сфаќате ли колку одамна беше тоа? Во 1999 година претседателот имаше сексуален скандал, луѓето мислеа дека компјутерите ќе го уништат светот, а Диди беше уапсен“, се пошегува Ноа, алудирајќи на поврзаноста на сегашната администрација со некогашниот пријател на Трамп, покојниот и осуден сексуален престапник Џефри Епстин.
„Човече, како се сменија времињата“.
