Американскиот претседател Доналд Трамп изјави дека неговиот специјален пратеник Стив Виткоф и зетот Џаред Кушнер добиле јасен впечаток дека Москва сака да ја заврши војната во Украина. Во соопштението од Белата куќа, Трамп рече дека разговорите одржани во Москва биле исклучително успешни, според медиумските извештаи.

„Рускиот претседател Владимир Путин би сакал да ја заврши војната. Тоа е впечатокот што го добиле“, рече Трамп, нагласувајќи дека Виткоф и Кушнер пренеле позитивни впечатоци од разговорите, пренесува Гардијан.

Трамп особено нагласи дека средбата меѓу неговите пратеници и рускиот лидер поминала многу добро.

„Претседателот Путин вчера имаше многу добра средба со Џаред Кушнер и Стив Виткоф“, рече американскиот претседател.

Средбата во Москва е еден од клучните чекори во новите дипломатски напори на Вашингтон за наоѓање излез од украинската криза, по што се очекува да следат дополнителни разговори во наредните денови.