Македонската пејачка Тамара Тодевска на исклучително емотивен начин го одбележа седмиот роденден на својот син Дарен. По тој повод, таа на социјалните мрежи објави видео составено од лични и интимни моменти, фотографии од Дарен низ годините, но и топли семејни сцени со ќерката Хана и нејзиниот партнер Лука, кои сведочат за љубовта, блискоста и светлината што ја носи семејството во нејзиниот живот.

 

View this post on Instagram

 

A post shared by Tamara Todevska (@tamaratodevska)

Видеото е проследено со музика од Адел, а објавата ја заокружува искрена и емотивна порака од Тамара, во која таа без задршка ја искажува мајчинската љубов и благодарност:

„Среќен 7-ми роденден, сине
Од првиот здив знаев дека ти си МОЕТО СРЦЕ надвор од мене.
Со тебе ЉУБОВТА доби ново значење, а секој ден е полн со СВЕТЛИНА.
Биди СРЕЌЕН И ЗДРАВ
Нека светот ти ги отвори сите врвови.
Дарен, те сакаме бескрајно.
Мама, Хана и Лука“

Со овие зборови, Тамара уште еднаш покажа дека, и покрај сите професионални успеси, нејзината најголема улога и најдлабока емоција останува – мајчинството. Објавата допре до срцата на бројни следбеници, кои во коментарите ѝ упатија честитки, убави желби и зборови на поддршка, истакнувајќи дека искреноста и љубовта што таа ја споделува се ретки и драгоцени.