Грабеж се случи рано утрово во продавница на „Луј Витон“ во центарот на Рим, на раскрсницата на улиците „Марио деи Фиори“ и „Кондоти“.

Поточно, според италијанската агенција Анса, тројца мажи, со покриени црти на лицето, пристигнале на местото со возило. Всушност, тие го удриле автомобилот во стаклениот излог на луксузната продавница , предизвикувајќи голема штета и отворајќи премин кон нејзиниот ентериер.

Furto nella notte nel magazzino di #LouisVuitton in centro a Roma.
Tre uomini a volto coperto hanno sfondato la vetrata e rubato borse e oggetti per un valore da quantificare.
E ora è caccia ai ladri.#Tg1 Simona Giampaoli pic.twitter.com/VU6GBRtIOj

— Tg1 (@Tg1Rai) November 17, 2025

Според „Ла Република“, откако успеале да влезат, украле околу 80 предмети, главно чанти и други додатоци со висока вредност. Вкупниот плен сè уште не е пресметан, но првичните проценки покажуваат дека би можел да вреди стотици илјади евра.

Властите ги испитуваат видео снимките од безбедносните камери, како во продавницата, така и во соседните бизниси, со цел да ги идентификуваат сторителите и нивниот пат за бегство по кражбата.