Видеоснимка направена попладнево на магистралниот пат Зајечар–Параќин во Србија покажува дека оваа делница е зафатена од силна снежна виулица, поради што сообраќајните услови се исклучително отежнати.

Заедно со снимката, објавено е и предупредување до граѓаните без потреба да не тргнуваат на пат во овој дел од источна Србија.

Поради големите наноси од снег на патот, на возачите им се советува да користат задолжителна зимска опрема и да ги одложат патувањата доколку не се неопходни.

На снимката се гледа како возилата со тешкотија се пробиваат по завеаниот коловоз, додека видливоста е значително намалена, што дополнително го зголемува ризикот од сообраќајни незгоди.

На социјалните мрежи се објавени и снимки од други градови во источна Србија, на кои се гледа како снегот интензивно паѓа.