Полската тенисерка Маја Хвалинска продолжува да ја живее својата бајка на Ролан Гарос каде што денеска ја очекува финалето против Дијана Шнајдер од Русија.

Колку е голем нејзиниот успех говори и фактот што Хвалинска во моментов нема потпишано спонзорски договор со ниту еден спортски бренд. Така таа на еден меч да се појави во опрема од „Лакоста“, на следниот во „Адидас“, а на прес-конференција во облека од „Најк“.

Во едно од своите интервјуа пред да блесне на Ролан Гарос, Хвалинска откри како изгледа нејзината моментална ситуација.

„Во моментов немам спонзор, па носам што и да ми се допаѓа, а тоа искрено е многу убаво чувство. Не сум ограничена со ништо. Ако ми се допаѓа јакна од „Адидас“, ја носам. Ако ми се допаѓа маица од „Најк“, тогаш ја избирам неа. Така стојат работите во моментов“, изјави Хвалинска со насмевка.

По нејзиниот сензационален настап во Париз, речиси сигурно е дека голем број спортски компании ќе покажат интерес за соработка со полската тенисерка. Таков договор би бил значаен чекор во нејзината кариера, бидејќи сигурно би ѝ помогнал полесно да ги покрива трошоците за патувања, опрема и сите други обврски што ги носи професионалниот спорт.

Seven weeks ago, I asked Chwalinska about her outfits combining different brands. “I’m not sponsored currently, so I just wear whatever I like”, she said w/ a smile.

Very curious to see which brand signs her after Paris, where she has been wearing (at least) Nike, Lacoste & On. pic.twitter.com/R2E1dvluU8

— Gaspar Ribeiro Lança (@gasparlanca) June 4, 2026

Спортска бајка во Париз: Маја Хвалинска за две недели заработи повеќе отколку во целата кариера