На крајот од самитот ЕУ-Западен Балкан во Тиват, Унијата ја повика Србија да се реформира и да ја усогласи својата надворешна и безбедносна политика со онаа на Европската Унија.

Германскиот канцелар Фридрих Мерц им рече на новинарите дека Србија мора јасно да одлучи каде ја гледа својата иднина.

„Не е можно да се води политика на колебање помеѓу Русија, Кина и Европа. Патот на Србија кон ЕУ е отворен, но таа мора да одлучи на чија страна ќе биде“, беше јасен тој.

И српскиот претседател Александар Вучиќ потврди по состанокот дека неколку земји инсистирале на прашањето за санкции против Русија поради војната во Украина, кои Србија сè уште не ги вовела.

„Тоа е она што нè замолија да го направиме“, рече тој.

Србија ризикува да изгуби милијарди евра помош од ЕУ поради врските со Русија и демократските назадувања