Откако Владимир Путин во Санкт Петербург изјави дека не гледа никаква смисла во средба со Володимир Зеленски, следуваше одговор од украинскиот претседател.

Зеленски на Телеграм порача дека таквиот став значи дека Русија „повторно избира војна“, а реакцијата на Путин ја нарече „слаба“.

„Не сака да признае дека војната му се допаѓа само нему“

„Тој едноставно не сака да ја заврши војната“, додаде Зеленски, тврдејќи дека Путин „не сака ништо да промени и не сака да признае дека неговата војна му се допаѓа само нему и на оние кои од неа извлекуваат пари“.

Unfortunately, the Russian side once again chooses war – everyone heard the response today. Weak response. He simply does not want to end the war.

I think many around the world were disappointed by that response. He does not want to change anything, and he does not want to admit… pic.twitter.com/En6BySTKPP

— Volodymyr Zelenskyy / Володимир Зеленський (@ZelenskyyUa) June 5, 2026

Украинскиот претседател потоа рече дека сите што го поддржуваат Путин денеска се смеат во Санкт Петербург, од што заклучи дека тоа значи дека во Русија треба да има помалку пари, а повеќе притисок.

Што напиша Зеленски?

Да потсетиме, Володимир Зеленски му испрати отворено писмо на Путин, во кое му упати лична покана и му понуди средба лице в лице за да се заврши војната. Писмото беше објавено еден ден откако Украина изведе голем напад врз Санкт Петербург, погодувајќи големо складиште за нафта и воени цели истото утро кога Путин во градот ги пречекуваше светските лидери на својот клучен економски форум, пишува „Кијив индипендент“.

Во писмото Зеленски ги изнесува аргументите зошто Путин треба да го заврши судирот и поставува услови за повторно отворање на преговорите.

„Оваа војна е ваш личен избор“

„Речиси половина од своите 26 години на власт во Русија ги поминавте во војна против Украина“, напиша Зеленски.

„Што и да зборувате за НАТО, геополитиката и рускиот јазик, оваа војна е ваш личен избор — војна без вистинска причина. Историјата така ќе ја памети“, додаде тој.

Зеленски во писмото потсети на неуспехот на Русија да го освои Киев и да го скрши украинскиот отпор за време на инвазијата во 2022 година, разорните ефекти од меѓународните санкции врз руската економија, огромните човечки загуби и растечкото незадоволство кај руското население додека војната се одолговлекува и сè повеќе се чувствува дома.

Путин одговори

Владимир Путин изјави дека во моментов не гледа смисла во средба со украинскиот претседател Володимир Зеленски, како одговор на неговото претходно отворено писмо.

Говорејќи на Меѓународниот економски форум во Санкт Петербург, Путин рече дека претходните директни средби не донеле конкретни резултати.

„Досегашното искуство покажува дека таквите средби служат за купување време. Нам ни се потребни договори, а не средби“, рече Путин.

Путин: Состанокот со Зеленски не би имал смисла