Тешка сообраќајна несреќа меѓу две возила и автобус се случила во близина на Софија во која животот го загубија тројца луѓе, а уште десетмина се здобија со повреди, од кои дури седуммина се во критична и тешка состојба, објавија бугарските медиуми.

Меѓу жртвите во оваа катастрофа се двајца патници од автобусот, мажи на возраст од 27 и 31 година, од кои едниот починал набрзо по приемот во болница. Третиот загинат, исто така маж, им подлегнал на повредите во болницата „Св. Ана“.

Според првичните информации и собраните докази од истрагата, главна причина за несреќата е енормната брзина со која се движеле два автомобили, која изнесувала над 150 километри на час.

Возачите на овие две возила во моментов се сметаат за директно одговорни за трагедијата, откако едниот од автомобилите странично удрил во автобусот што сообраќал на линијата 119 и целосно го превртел на страна.